ÉD D'OÙ QU'ÉJ SUS ?

Auteur : Pierre DEGLICOURT(†) (éch Déglic)
http://ches.diseux.free.fr/pers/perspdg.htm

ÉD D'OÙ QU'ÉJ SUS ?

Éj sus-t’in.ne "person.ne déplachée"...
Dins min poéys, j’sus t-un horsin,
Chés jon.nes is m’trait'té d’Périsien ;
Anmiens, émz’amis d’chés Diseux
Is di'te qu’ém langue al sint l’Vimeu.
N’feut point tcheur do iau à chom mére
In ville, ch’est del ieu à chelle mâre...
Point d’Woégnérue pi point d’Sant-Leu
D’où qu’al est m’plache ?

Ch’est-ti d’ém feute éd d’où qu’éj viens ?
N’l’ai mie coési — point d’pu qu’mes gins.
Ch’est-ti d’ém feute si ch’est Anmiens
Qu’j’ai foait m’jon.nesse pis qu’j’y sus coère...
Jé n’sus d’neune pèrt
Ch’est conme eu, qu’al disoait m’paure mére
Ch’est conme o, clatchoait min téon
Ch’est conme cho, dins l’poéys d’min pére
Ch’est conme lo, f'soait mon onc Léion
Ch’est conme aleu, qu’i disoait chti-chi
Ch’est conme évlo, répondoait chti-lo
Ch’est conme ollo, qu’i foait min voésin
Ecmint coésir ? Ch’est à lure lure...
D’qué race qu’éj sus ?

J’vux défin.ne chog gran.ne Picardie :
Edpi Tornai dusqu’à chom mér,
Ratornant pér no cathédrale...
Chés savants lindjuistes is diront
Qu’min perlaghe nin pu n’est d’neune pèrt
Pis qu’éj touille toute, n’importe écmint.
Is n’voé'té point qu’ch’est in cminchemint
D’chu picard INTERNATION-NAL !!!

Textes protégés par © Copyright N° 79Z516A
*****************************************
Gérard SANDIFORT, alias Sandipoete
ÉD D'OÙ QU'ÉJ SUS ? Vieux-10

Solum telum ego tolerare ? Pluma !
La seule arme que je tolère ? La plume !...

Sujet: Re: ÉD D'OÙ QU'ÉJ SUS ? Ven 23 Mar 2007 - 22:42

Vive eul' picard internatio-nal, biloute!

Invité

Je n´ai pas tout compris mais j´ai trouvé ce texte tres intéressant.
Ca ressemble á du francien et autres dialectes de langues d´oil mais j´y ai également retrouvé des similitudes avec des langues romanes du sud telles que le
provencal ou l´italien. Cousinage latin, sans doute.
Merci pour ce partage ! Merci