SIN GRAND PERE

SIN GRAND PERE

i s'in allot trainant ses chabots a daches
un pid dins ch'gulot un pid sur ch'querpion
d'tous chés jones ch'étot li l'pus bénache
quand sin grand père avot touché s'pinsion

il y donnot des doupes pour ch't'occasion là
in y recomindant bin de n'rin dire à s'mère
alors i s'acatot des tchiots oursons in chocolat
des mistrals gagnants ou bin du coco bohère

chés jours là l’ ro n'étot pas sin cousin
i arvenot avec sin tchiot vinte bin plein
et l'soir i rintrot à s'mason sans eune doupe
i n'avot pus assez faim pour minger s'soupe

aujourd'hui sin grand père i n'est pus là
adieu les roudoudous et les fraisses tagada
mais cha qui li manque ch'est pas vraimint cha
ch'est de n'pus pouvoir dire" min grand papa"

BIERLAIR René dit Cartouche

gulot= caniveau, querpion = trottoir, bénache= heureux ,doupe = sou, argent