ch'père noël

CH’PERE NOEL

quand ch'est l'momint d' Noël
ches jones y n'tientent pus in plache
is rêv'tent d' juets d'poupées nouvielles
et cha les rind complètemint bénaches

is t'font des listes d'deux mètes d'long
des soldats, des baigneurs ou des camions
et si is sont pus vieux ch'est l'playstation
un ordinateur pour juer tout seu à s'mason

quand te fait l'tour d'ches grands magasins
que te vos tout cha qui a dins les vitrines
te t'dit qu'y a pus d'juets que d'gamins
qu'pour acater cha te peux t'user à l'usine

nous d'not'temps in avot eune coquille
eune orange et un soldat d'bos ou d'plomb
et si in étot sache un tchiot sac d'billes
un carré d'chocolat un paquet d'bonbons

j'in sus à m'demander si ch'père Noël
i va pas bintôt finir par prinde s'pinsion
pasque j'ai pus d'sous dins m'escarcelle
d'avoir trop gâté mes tchiots garchons

BIERLAIR René dit Cartouche