dins min gardin

DINS MIN GARDIN

l’matin quand ch’solèle y s’lèfe pas d’zeur ch’terril
qu’ ses rayons y récauf’tent et éclair’tent min courtil
mi tout in binant l’tierre dins mes routes d’porions
j’sus bénache, j’chiffèle toudis eune tchiote canchon

eune rangaine joyeusse d’ Raoul ou bin d’Edmond
quand j’sus dins min gardin, j’pinse pus à ch’ carbon
ch’est un peu comme si j’aros canger d’métier
que du bon air, et y a pas d’poufinque à respirer

j’vas ramasser des naviots et des jones carottes
un pied d’céléri des porions eune tchiote botte
comme cha c’soir m’femme fera eune bonne soupe
avec un reste d’lard cha coutera pas eune doupe

après j’irai nourrir mes glaines et mes lapins
à ch’poulailler si y a des oués cha sera bin
je m’dis qu’in a d’la chance d’juer au sincier
quand l’diminche in a pas à aller ouvrer

mais cha passe vite d’main cha s’ra aute cosse
faudra arprinde s’musette artourner à l’fosse
mais y faut pas s’plainte y faut s’faire eune raison
pasque ch’ti qui nous loge, nous nourrit ch’est l’carbon

Joli et utile ton jardin poétiquement Ch'ti...
En ce moment le jardin et le potager sont mon plus grand passe-temps...
Bon jardin à vous...

Chalut m'biloute !...
J'ai inchéré t'grife din tin profil.
In vero miu où ché qui faut aller pou t'vire.
J'te laiche din tin gardin
Quin tu pacheras par chez mi zote, viens donc em'serrer la pinche.
In s'boira un' tchiote bistoule.
Allez chalut m'biloute.

Merci Gérard, cha sera avec plaisi que j'triquerai avec ti !