VLO GRAND-MÈRE À POUSSIÈRES

Chanté par André Nattiez


Sur une musique originale de Paul Bulot


D’après les paroles d’Édouard David (1920)

Refrain :
Vlo grand-mére à poussiére
Qu’i passe, escouaint sin cotron,
Pindaint qu’éj veille su tin caveille
Foés dodo min ptchot moucron,
Foés dodo, foés dodo.

— 1 —
Qu’chés infaints d’achteure sont pénibes !
N’y o pus moéyin d’nin vnir à bout ;
Is rado’t éd coses impossibes
Et feudroét leu ciédier dsur tout.
Allons mn’amour, én’ foés point d’pangne
À t’mère, qu’éd baisiers vut t’crotcher,
T’os l’tchu bien sé, pi t’panchéte plangne,
Conme chés glangnes, ch’est l’heure d’ét’ joutcher.

Refrain :
Vlo grand-mére à poussiére
Qu’i passe, escouaint sin cotron,
Pindaint qu’éj veille su tin caveille
Foés dodo min ptchot moucron,
Foés dodo, foés dodo.

— 2 —
Ah tu sroais, ch’pu rétu d’chés mioches
Si tu fsoais dodo jusqu’à dman,
Éj poroais rimpiéter chés cauches
Éd tin père qu’ainme sitant t’manman.
Pourquoi vouloér intanmer l’lutte
Contre ech sonmeil pour nous bistcher ?
Frinme tes zius, pi chuche tin tutute,
Conme chés glangnes, ch’est l’heure d’ét’ joutcher.

Refrain :
Vlo grand-mére à poussiére
Qu’i passe, escouaint sin cotron,
Pindaint qu’éj veille su tin caveille
Foés dodo min ptchot moucron,
Foés dodo, foés dodo.

— 3 —
M’crotléte, min poulot, min tchot ange,
N’vos point t’oublier din tes drops,
Ch’est qu’os n’avons si peu d’ércange,
Qu’pou t’mére cha sroait bien d’l’imbarros.
Pinse bien qu’éch tripot d’éch ménage
Est assez dru sains l’complitcher,
Mais min ptchot chéri, tu sros sage…
Conme chés glangnes, ch’est l’heure d’ét’ joutcher.

Refrain :
Vlo grand-mére à poussiére
Qu’i passe, escouaint sin cotron,
Pindaint qu’éj veille su tin caveille
Foés dodo min ptchot moucron,
Foés dodo, foés dodo.

— 4 —
Vos, si tu foais einne longué dorte,
Dman, à tin réveil, éj promets
Éd t’acater d’tout plein d’toute sorte :
Du chuque, einne ribimbèle éd juets,
Pi des boinnes tablètes éd miélasse,
Qu’avuc, t’ainmes si bien t’porlétcher.
Vite, un dernier cœup qu’éj t’imbrasse,
Conme chés glangnes, ch’est l’heure d’ét’ joutcher.

Refrain :
Vlo grand-mére à poussiére
Qu’i passe, escouaint sin cotron,
Pindaint qu’éj veille su tin caveille
Foés dodo min ptchot moucron,
Foés dodo, foés dodo.

ÉCOUTEZ EN SUIVANT CE LIEN